ఇందిరమ్మ ఇళ్లతో పేదల సొంతింటి కల సాకారం
ఇందిరమ్మ ఇళ్ల పథకం ద్వారా పేద కుటుంబాల సొంతింటి కల సాకారం అవుతోందని జిల్లా కలెక్టర్ హేమంత్ కేశవ్ పాటీల్ అన్నారు. చెన్నారం గ్రామంలో లబ్ధిదారురాలు అనిత నూతన ఇంటి గృహప్రవేశ కార్యక్రమంలో సబ్ కలెక్టర్ సలోని చాబ్రాతో కలిసి పాల్గొన్నారు.
ఉపాధ్యాయులే భావితరాలకు దిశానిర్దేశకులు…
భావితరాల భవిష్యత్తును తీర్చిదిద్దడంలో ఉపాధ్యాయుల పాత్ర అత్యంత కీలకమని జిల్లా కలెక్టర్ హేమంత కేశవ్ పాటీల్ అన్నారు. నాగర్‌కర్నూల్‌లో 70 మంది జిల్లా స్థాయి ఉత్తమ ఉపాధ్యాయులను సన్మానించిన సందర్భంగా ఆయన ఉపాధ్యాయుల సేవలను కొనియాడారు.
వానాకాలం వరి కొనుగోళ్లకు పకడ్బందీ ఏర్పాట్లు చేయాలి
వానాకాలం వరి కొనుగోళ్లను రైతులకు ఎలాంటి ఇబ్బందులు లేకుండా నిర్వహించేందుకు ముందస్తుగా పకడ్బందీ ఏర్పాట్లు చేయాలని జిల్లా కలెక్టర్ హేమంత కేశవ్ పాటీల్ అధికారులను ఆదేశించారు. కొనుగోలు కేంద్రాల్లో అన్ని మౌలిక వసతులు సిద్ధంగా ఉంచాలని సూచించారు.
భూ రీ-సర్వేను 10 రోజుల్లో పూర్తి చేయాలి
నాగర్‌కర్నూల్ మండలం వెంకటాపూర్ గ్రామంలో భూ రీ-సర్వే పనులను జిల్లా కలెక్టర్ హేమంత కేశవ్ పాటీల్ ఆకస్మికంగా పరిశీలించారు. రీ-సర్వే ప్రక్రియను ఖచ్చితత్వం, పారదర్శకతతో నిర్వహించి 10 రోజుల్లో పూర్తి చేయాలని అధికారులను ఆదేశించారు.
వెంకటాపురంలో ఇందిరమ్మ ఇళ్ల నిర్మాణ పనులు వేగవంతం చేయాలి
నాగర్‌కర్నూల్ మండలం వెంకటాపురం గ్రామంలో ఇందిరమ్మ ఇళ్లు, గ్రామపంచాయతీ, వీవో భవనాల నిర్మాణ పనులను జిల్లా కలెక్టర్ హేమంత కేశవ్ పాటీల్ పరిశీలించారు. పనులను వేగవంతం చేసి నాణ్యతా ప్రమాణాలతో పూర్తి చేయాలని అధికారులను ఆదేశించారు.
సెప్టెంబర్ 9న నాగర్ కర్నూల్‌లో ఉచిత కంటి చికిత్స శిబిరం
జిల్లా అంధత్వ నియంత్రణ సంస్థ ఆధ్వర్యంలో సెప్టెంబర్ 9న నాగర్ కర్నూల్‌లోని శోభ ఆప్టికల్‌లో ఉచిత కంటి చికిత్స శిబిరం నిర్వహించనున్నారు. అవసరమైన క్యాటరాక్ట్ రోగులకు ఉచిత ఆపరేషన్లు కూడా నిర్వహించనున్నట్లు నిర్వాహకులు తెలిపారు.
పెద్ద చింతరేవులలో వైభవంగా సుదర్శన చక్ర మండల పూజలు..
పెద్ద చింతరేవుల శ్రీ ఆంజనేయస్వామి దేవాలయంలో ఉడిపి పలిమార్ మఠం పీఠాధిపతుల ఆధ్వర్యంలో సుదర్శన చక్ర మండల పూజలు వైభవంగా నిర్వహించారు. సెప్టెంబర్ 25 వరకు చాతుర్మాస్య మహోత్సవాలు, ప్రత్యేక పూజలు కొనసాగనున్నాయి.
నాగర్‌కర్నూల్‌లో బీఆర్ఎస్ భారీ రైతు నిరసన..
కాంగ్రెస్ ప్రభుత్వ వెయ్యి రోజుల పాలనకు నిరసనగా నాగర్‌కర్నూల్‌లో బీఆర్ఎస్ భారీ రైతు ఆందోళన నిర్వహించింది. మాజీ ఎమ్మెల్యే మర్రి జనార్దన్ రెడ్డి ఆధ్వర్యంలో సుమారు 200 ట్రాక్టర్లతో రైతులు ర్యాలీ చేపట్టి విద్యుత్, సాగునీరు, ఎరువులు అందించాలని డిమాండ్ చేశారు.
సెప్టెంబర్ 10న చలో హైదరాబాద్‌ను విజయవంతం చేయాలి:
ఉద్యోగ, ఉపాధ్యాయ హక్కుల సాధన కోసం సెప్టెంబర్ 10న హైదరాబాద్‌లో నిర్వహించే భారీ బహిరంగ సభకు ప్రతి ఉద్యోగి, ఉపాధ్యాయుడు తరలిరావాలని నాగర్ కర్నూల్ టీజీఈ జేఏసీ పిలుపునిచ్చింది.
వాసవి క్లబ్ నాగర్‌కర్నూల్ సేవా కార్యక్రమం..
వాసవి క్లబ్ నాగర్‌కర్నూల్ ఆధ్వర్యంలో జోన్ చైర్మన్ అర్థం లలిత విజిట్ సందర్భంగా పెద్దముదునూర్ జిల్లా పరిషత్ హైస్కూల్ విద్యార్థులకు రూ.3,000 విలువైన డిక్షనరీలను పంపిణీ చేశారు.