నాగర్‌కర్నూల్ రాఘవేంద్ర కాలనీలో శరన్నవరాత్రి దుర్గాపూజలో భాగంగా అమ్మవారిని మహాలక్ష్మి దేవిగా అలంకరించి ప్రత్యేక పూజలు నిర్వహించారు. శివశక్తి యూత్, మహాగౌరీ మహిళా సంఘం ఆధ్వర్యంలో కాలనీవాసులు భక్తిశ్రద్ధలతో పాల్గొన్నారు.
కొల్లాపూర్ శ్రీ వాసవి కన్యకా పరమేశ్వరి దేవాలయంలో శరన్నవరాత్రి ఉత్సవాల్లో భాగంగా ఐదో రోజు లలిత త్రిపుర సుందరి అలంకరణలో అమ్మవారు భక్తులకు దర్శనమిచ్చారు. లలితా సహస్రనామాన్ని చేతితో కుట్టిన పట్టు చీరను దంపతులు అమ్మవారికి సమర్పించారు.
నాగర్‌కర్నూల్ సమీపంలోని శ్రీ జ్ఞాన సరస్వతి దేవాలయంలో ఈ నెల 11 నుంచి 20 వరకు శరన్నవరాత్రి ఉత్సవాలు నిర్వహించనున్నారు. ప్రతిరోజూ ప్రత్యేక పూజలు, హోమాలు, అభిషేకాలు, కుంకుమార్చనతో పాటు భక్తులకు అన్నప్రసాద పంపిణీ ఏర్పాటు చేశారు.
నాగర్‌కర్నూల్ ప్రభుత్వ సైన్స్ డిగ్రీ కళాశాలలో ఉమెన్ ఎంపవర్‌మెంట్ ఆధ్వర్యంలో బతుకమ్మ సంబరాలను ఘనంగా నిర్వహించారు. విద్యార్థినులు సంప్రదాయ వస్త్రధారణలో బతుకమ్మలను పేర్చి ఆటపాటలతో సందడి చేశారు.
నాగర్‌కర్నూల్ సాయిబాబా ఆలయం సమీపంలో హనుమాన్ బృందం ఆధ్వర్యంలో 11 రోజుల పాటు నిర్వహించిన గణేశ్ ఉత్సవాల్లో ఏర్పాటు చేసిన లక్కీ డ్రాలో 14వ వార్డుకు చెందిన హకీమ్ విహాస్ లడ్డూను కైవసం చేసుకున్నారు.
శ్రీ నారాయణ గురు 98వ వర్ధంతిని పురస్కరించుకుని జాతీయ బీసీ సంక్షేమ సంఘం ఆధ్వర్యంలో నివాళులు అర్పించారు. ఆయన ఆశయాలు, సామాజిక సమానత్వ సందేశం నేటి సమాజానికి స్ఫూర్తిదాయకమని నాయకులు పేర్కొన్నారు.
జోగులాంబ గద్వాల జిల్లా పెద్ద చింతరేవులలో జగన్నాథ దాసుల ఆరాధన వేడుకలు వైభవంగా జరిగాయి. ఉడిపి, పలిమార్ మఠం పీఠాధిపతులు ఆంజనేయస్వామికి అభిషేక పూజలు నిర్వహించారు
బిజినేపల్లి మండలం లట్టుపల్లి గ్రామంలోని శ్రీ వీరబ్రహ్మేంద్ర స్వామి దేవాలయంలో విశ్వకర్మ జయంతి వేడుకలను ఘనంగా నిర్వహించారు. ప్రత్యేక పూజలు, హోమం అనంతరం భక్తులకు అన్నప్రసాదం పంపిణీ చేశారు.
నాగర్ కర్నూల్ ఎర్రగడ్డలోని చేయూత వెల్ఫేర్ సొసైటీ కార్యాలయ ఆవరణలో ఏర్పాటు చేసిన వరసిద్ధి వినాయక మండపం వద్ద ప్రత్యేక పూజల అనంతరం భక్తులకు అన్నప్రసాదం పంపిణీ చేశారు.
నాగర్ కర్నూలు రాఘవేంద్ర కాలనీ రోడ్ నంబర్ 1లో బజరంగ్ యూత్ ఆధ్వర్యంలో మట్టి గణపతి విగ్రహాన్ని ప్రతిష్ఠించి వేదమంత్రోచ్ఛరణల మధ్య ప్రత్యేక పూజలు నిర్వహించారు.
