కళాశాల ప్రిన్సిపాల్ డా. కె. గీతాంజలి అధ్యక్షతన జరిగిన ఈ కార్యక్రమానికి నోడల్ అధికారులు డా. ఎస్. దీపిక, డా. ఎం. అశోక్ కుమార్ సమన్వయకర్తలుగా వ్యవహరించారు. వనపర్తి కెడిఆర్ ప్రభుత్వ పాలిటెక్నిక్ కళాశాలకు చెందిన మాస్టర్ ట్రైనర్ తేజ్ ప్రతాప్ పాల్గొని శిక్షణ ఇచ్చారు. ఏఐ టూల్స్, స్మార్ట్ క్లాస్రూమ్, పర్సనలైజ్డ్ లెర్నింగ్, డిజిటల్ టీచింగ్ అనే నాలుగు ప్రధాన అంశాలపై ఈ శిక్షణ కేంద్రీకృతమైంది.
శిక్షణలో పాల్గొన్న విద్యార్థులు ఏఐ, డిజిటల్ లెర్నింగ్, ఇంటర్న్షిప్ విధానాలపై తమ సందేహాలను నివృత్తి చేసుకున్నారు. ఈ కార్యక్రమం తమలో నూతన సాంకేతిక పరిజ్ఞానం పట్ల ఆసక్తిని పెంపొందించడంతో పాటు భవిష్యత్తులో సమర్థవంతమైన మెంటార్లుగా ఎదగడానికి దోహదపడుతుందని విద్యార్థులు అభిప్రాయపడ్డారు. *ముగింపు కార్యక్రమంలో ప్రిన్సిపాల్ డా. గీతాంజలి మాట్లాడుతూ* “ఈ రెండు రోజుల శిక్షణ ఒక కార్యక్రమం కాదు, మన కళాశాల చరిత్రలో ఒక మైలురాయి. ఇవాళ మీరంతా సర్టిఫికెట్లతో కాదు, బాధ్యతతో బయటకు వెళ్తున్నారు. ఏఐ అనేది పేద విద్యార్థి జీవితాన్ని మార్చే ఆయుధం. మీరు ప్రభుత్వ బడులకు వెళ్లి మెంటార్లుగా పనిచేసినప్పుడు, అక్కడి ఒక్క చిన్నారి కళ్లలోనైనా ‘నేనూ కోడింగ్ నేర్చుకోగలను’ అనే నమ్మకాన్ని నింపగలిగితే చాలు. మనం నేర్చుకున్న ఈ డిజిటల్ నైపుణ్యాలను మీ సొంత ఊరి బడికి పంచండి. అప్పుడే ‘అన్న-అక్క’ అనే పేరుకు నిజమైన అర్థం వస్తుంది. నాగర్కర్నూల్ ఆర్ట్స్ కళాశాల పేరును డిజిటల్ తెలంగాణ మ్యాప్లో సగర్వంగా నిలబెట్టండి” అని పిలుపునిచ్చారు.జాతీయ గీతాలాపనతో కార్యక్రమం ముగిసింది.ఈ కార్యక్రమంలో అధ్యాపకులు, సిబ్బంది, విద్యార్థులు పెద్ద సంఖ్యలో పాల్గొన్నారు.: అన్న-అక్క డిజిటల్ ట్రైనింగ్ విజయవంతం…