ఫీజు రీయింబర్స్మెంట్, స్కాలర్షిప్లు అందక విద్యార్థులు తీవ్ర ఇబ్బందులు పడుతున్నారని ఆయన ఆరోపించారు. విద్యాశాఖను ముఖ్యమంత్రి తన వద్దే ఉంచుకుని విద్యా వ్యవస్థను నిర్లక్ష్యం చేస్తున్నారని విమర్శించారు. చదువుకున్న వారికి విద్యాశాఖ బాధ్యతలు అప్పగించాలని డిమాండ్ చేశారు.
విద్యార్థినులకు ఇస్తామని చెప్పిన స్కూటీలు ఏమయ్యాయని, పదవ తరగతి, ఇంటర్, డిగ్రీ ఉత్తీర్ణులకు ప్రకటించిన పారితోషికం ఎక్కడ ఉందని ప్రశ్నించారు. హాస్టళ్లు, గురుకులాల పరిస్థితి దుర్భరంగా మారిందని ఆరోపించారు. మెగా డీఎస్సీ హామీని కూడా ప్రభుత్వం అమలు చేయాలని డిమాండ్ చేశారు.
అసెంబ్లీలో ప్రతిపక్షాల గొంతు నొక్కుతున్నారని, విద్యార్థులు పోరుబాటకు వస్తుంటే వారిని అడ్డుకోవడం సరికాదని అన్నారు. రేవంత్ రెడ్డి ప్రభుత్వ విధానాల వల్ల విద్యా వ్యవస్థ దెబ్బతింటోందని ఆరోపించారు. ఈ కార్యక్రమంలో బీఆర్ఎస్వీ రాష్ట్ర అధ్యక్షుడు గెల్లు శ్రీనివాస్ యాదవ్ తదితరులు పాల్గొన్నారు.
: మూసీకి లక్ష కోట్లు.. ఫీజు రీయింబర్స్మెంట్కు రూ.12 వేల కోట్లు లేవా?
