పోలీసుల వివరాల ప్రకారం, యాదయ్యకు చెందిన 1.5 ఎకరాల భూమిని అల్లుడు పేరుపై రాయించాలని కుటుంబ సభ్యులు ఒత్తిడి చేసినట్లు విచారణలో తేలింది. అయితే భూమిని రాయడానికి యాదయ్య నిరాకరించడంతో దంపతుల మధ్య తరచూ గొడవలు జరిగేవని పోలీసులు తెలిపారు. ఈ కుటుంబ విభేదాలే చివరకు హత్యకు దారితీశాయని ప్రాథమిక దర్యాప్తులో వెల్లడైంది.
జూన్ 23న ఇంట్లోనే ముగ్గురు కలిసి యాదయ్యపై దాడి చేసినట్లు పోలీసులు పేర్కొన్నారు. అల్లుడు ఆంజనేయులు గొంతు పిసికగా, కుమార్తె పద్య కాళ్లు పట్టుకుని ఉండగా, భార్య అలివేల ఇనుప రాడ్తో దాడి చేసినట్లు విచారణలో తేలిందని తెలిపారు. ఈ దాడిలో యాదయ్య అక్కడికక్కడే మృతి చెందినట్లు పోలీసులు వెల్లడించారు.
హత్యను సహజ మరణంగా చిత్రీకరించేందుకు ప్రయత్నించినప్పటికీ, మృతదేహానికి స్నానం చేయించే సమయంలో గాయాలు గుర్తించిన బంధువులు పోలీసులకు సమాచారం అందించారు. వారి ఫిర్యాదుతో కేసు నమోదు చేసి దర్యాప్తు చేపట్టిన పోలీసులు జూన్ 26న ముగ్గురు నిందితులను అరెస్ట్ చేశారు.
ఈ కేసు వివరాలను నాగర్కర్నూల్ డీఎస్పీ బుర్రి శ్రీనివాసులు వెల్లడించారు. అరెస్టు ప్రక్రియలో సీఐ అశోక్ రెడ్డి, తిమ్మాజిపేట ఎస్సై శ్రీనివాసరావు పాల్గొన్నారు. కేసు దర్యాప్తు కొనసాగుతోంది.: నాగర్కర్నూల్లో కుటుంబ కలహాలే హత్యకు కారణం..
