ఈ కార్యక్రమంలో నాగర్ కర్నూలు మున్సిపల్ కమిషనర్, కిరాణా సంఘం ప్రతినిధులు, దుకాణదారులు మరియు ఇతర భాగస్వాములు పాల్గొన్నారు.
ఈ కార్యక్రమంలో, ఒక్కసారి వాడి పారేసే ప్లాస్టిక్ల (సింగిల్ యూజ్ ప్లాస్టిక్) వినియోగాన్ని తగ్గించే వ్యూహాలు, వాటికి పర్యావరణ అనుకూల ప్రత్యామ్నాయాల వాడకంపై అవగాహన కల్పించడం జరిగింది. అలాగే, తగ్గించడం, పునర్వినియోగించడం (Reduce, Reuse & Recycling) మరియు ఘన వ్యర్థాలను సరైన పద్ధతిలో పారవేయడం కోసం ఇంటి స్థాయిలో వాటిని సరిగ్గా వేరు చేయడం గురించి కూడా వివరించారు.
పాల్గొన్నవారు ఎంతో ఆసక్తి కనబరిచి, ఒక్కసారి వాడి పారేసే ప్లాస్టిక్లకు ప్రత్యామ్నాయాల ఆవశ్యకత, పర్యావరణ పరిరక్షణలో వాటి ప్రయోజనాల గురించి తెలుసుకున్నారు.
పాల్గొన్నవారందరికీ 300 జనపనార సంచులను పంపిణీ చేసి, తమ వినియోగదారులను వస్త్ర సంచుల వాడకాన్ని పెంచేలా ప్రోత్సహించమని కోరడంతో పాటు, తమ వినియోగదారులకు ఉచితంగా సంచులను పంపిణీ చేయాలని ఆదేశించడం జరిగింది.
ఈ కార్యక్రమానికి నాగర్ కర్నూలు నగర మున్సిపల్ కమిషనర్ మరియు కిరాణా అసోసియేషన్ అధ్యక్షులు సంబు పాండు మరియు కార్యవర్గ సభ్యులు కందికొండ సాయికుమార్, నరేష్ ,శ్రీకాంత్ , కే శ్రీనివాసులు సాయి బాలాజీ శ్రీనుసుమారు 50 మంది ప్రతినిధులు హాజరయ్యారు.: ప్రజా పాలనలో పర్యావరణ చైతన్యం – నాగర్ కర్నూల్లో జనపనార సంచుల పంపిణీ
