ఈ సందర్భంగా సంఘం ప్రతినిధులు మాట్లాడుతూ, ప్రభుత్వ ఉద్యోగులు, పెన్షనర్లకు రావాల్సిన పీఆర్సీ (PRC) గత మూడేళ్లుగా పెండింగ్లో ఉందని, దానిని వెంటనే అమలు చేయాలని కోరారు. అలాగే మూడు సంవత్సరాలుగా పెండింగ్లో ఉన్న ఆరు డీఏ (DA) బకాయిలను వెంటనే విడుదల చేయాలని విజ్ఞప్తి చేశారు.
పెన్షనర్ల నుంచి ప్రతి నెల 1.5 శాతం మొత్తాన్ని ఆరోగ్య పథకం కోసం మినహాయిస్తున్నప్పటికీ, పథకం పూర్తిస్థాయిలో అమలు కాకపోవడంతో వైద్య సేవలు అందడం లేదని ఆవేదన వ్యక్తం చేశారు. పదవీ విరమణ పొందిన ఉద్యోగులకు రావాల్సిన అన్ని బకాయిలను త్వరితగతిన చెల్లించాలని, జిల్లా విశ్రాంత ఉద్యోగుల సంఘానికి సొంత భవనం నిర్మాణం కోసం స్థలం కేటాయించాలని కూడా కోరారు.
వినతిపత్రాన్ని స్వీకరించిన ఎమ్మెల్సీ దామోదర్ రెడ్డి మాట్లాడుతూ, విశ్రాంత ఉద్యోగులు ప్రభుత్వ కుటుంబ సభ్యులేనని పేర్కొన్నారు. వారు ప్రస్తావించిన సమస్యలను ముఖ్యమంత్రి దృష్టికి తీసుకెళ్లి, త్వరితగతిన పరిష్కారం కోసం ప్రభుత్వంతో చర్చిస్తానని హామీ ఇచ్చారు. విశ్రాంత ఉద్యోగులకు అన్ని వేళలా తన సహకారం ఉంటుందని తెలిపారు.
ఈ కార్యక్రమంలో జిల్లా ప్రధాన కార్యదర్శి వెంకటశెట్టి, మండల శాఖ అధ్యక్షులు సుధాకర్ రెడ్డి, సింహారెడ్డి, కృష్ణయ్య, సంజీవ్ గౌడ్, వీరేశలింగం, పాండు, పోల శ్రీనివాస్ తదితరులు పాల్గొన్నారు.: విశ్రాంత ఉద్యోగుల సమస్యల పరిష్కారానికి చర్యలు తీసుకుంటాం
