ఈ సందర్భంగా కలెక్టర్ మాట్లాడుతూ, చాకలి ఐలమ్మ తెలంగాణలో సామాజిక న్యాయం, ఆత్మగౌరవం, అణగారిన వర్గాల హక్కుల కోసం ధైర్యంగా పోరాడిన మహనీయురాలని కొనియాడారు. అన్యాయం, దోపిడీ, అణచివేతకు వ్యతిరేకంగా ఆమె ప్రదర్శించిన తెగువ, పోరాట పటిమ, ఆత్మవిశ్వాసం సమాజానికి ఎల్లప్పుడూ స్ఫూర్తిదాయకంగా నిలుస్తాయని పేర్కొన్నారు.
వెనుకబడిన, అణగారిన వర్గాలకు సామాజిక గౌరవం, సమాన హక్కులు, అభివృద్ధి అవకాశాలు కల్పించడంలో చాకలి ఐలమ్మ వంటి మహనీయుల పోరాటాలు కీలక పాత్ర పోషించాయని తెలిపారు. ఆమె ఆశయాలను స్ఫూర్తిగా తీసుకొని ప్రతి ఒక్కరూ సమానత్వం, సామాజిక న్యాయం కోసం కృషి చేయాలని సూచించారు.
చాకలి ఐలమ్మ జీవిత చరిత్ర, ఆమె పోరాటం, సమాజం పట్ల ఆమెకున్న నిబద్ధతను యువత తెలుసుకోవాల్సిన అవసరం ఉందని కలెక్టర్ అన్నారు. ఆమె చూపిన ధైర్యం, ఆత్మగౌరవం, పట్టుదల నేటి తరానికి మార్గదర్శకంగా నిలవాలని ఆకాంక్షించారు.
కార్యక్రమంలో అదనపు కలెక్టర్ దేవ సహాయం, జిల్లా బీసీ సంక్షేమ శాఖ అధికారి ఇందిర, గిరిజన సంక్షేమ శాఖ అధికారి కోటయ్య, ఇతర అధికారులు, బీసీ సంఘాల ప్రతినిధులు, నాయకులు పాల్గొని చాకలి ఐలమ్మకు ఘనంగా నివాళులర్పించారు.: చాకలి ఐలమ్మ పోరాట స్ఫూర్తి నేటి తరానికి ఆదర్శం
