మొదటి పనిగా రూ.32.99 కోట్ల అంచనా వ్యయంతో అమ్రాబాద్–తొల్పలపల్లి రహదారిని బలోపేతం చేయనున్నారు. పదర, వాంకేశ్వరం, చిట్లముకుంట, ఉడిమిల్ల, ఇప్పలపల్లి గ్రామాల మీదుగా కిలోమీటర్ 0/000 నుంచి 34/200 వరకు రహదారి అభివృద్ధి పనులు చేపట్టనున్నారు.
రెండో పనిగా రూ.35.71 కోట్లతో బల్మూర్–నాగర్కర్నూల్ పీడబ్ల్యూడీ రహదారిని అభివృద్ధి చేయనున్నారు. బల్మూర్, గోడల్, తుమ్మన్పేట గ్రామాల మీదుగా వెళ్లే ఈ రహదారిని రెండు లేన్లుగా విస్తరించనున్నారు.
మూడో పనిగా రూ.78.01 కోట్లతో అచ్చంపేట–రాకొండ రహదారిని ఉప్పునుంతల మీదుగా అభివృద్ధి చేయనున్నారు. ఉప్పునుంతల, మొల్గర, పెద్దాపూర్, మామిళ్లపల్లి, రాకొండ గ్రామాల మీదుగా ఈ రహదారిని రెండు లేన్లుగా విస్తరించనున్నారు.
ఈ రహదారి పనులు పూర్తయితే అచ్చంపేట నియోజకవర్గంలోని పలు గ్రామాలకు మెరుగైన రవాణా సౌకర్యం అందడంతో పాటు ప్రయాణ సమయం తగ్గే అవకాశం ఉంది. గ్రామీణ ప్రాంతాల్లో రాకపోకలు, వ్యవసాయ ఉత్పత్తుల రవాణా మరింత సులభతరం కానుంది.: బల్మూర్లో రూ.146.71 కోట్ల రహదారి పనులకు శంకుస్థాపన..
