ఈ సందర్భంగా కలెక్టర్ మాట్లాడుతూ, బడి బయట ఉన్న పిల్లల గుర్తింపు మరియు నమోదు ప్రక్రియలో ఎలాంటి లోపాలు చోటు చేసుకోకుండా అధికారులు ప్రత్యేక శ్రద్ధ వహించాలని స్పష్టం చేశారు. మండల, గ్రామ స్థాయి విద్యాశాఖ సిబ్బంది సమన్వయంతో ఇంటింటి సర్వేలను మరింత సమర్థవంతంగా నిర్వహించాలని సూచించారు.
మధ్యలో చదువు మానేసిన విద్యార్థులను వెంటనే గుర్తించి, వారికి వయస్సుకు తగిన తరగతుల్లో ప్రవేశం కల్పించేలా చర్యలు తీసుకోవాలని ఆదేశించారు. జిల్లాలో బడి ఈడు పిల్లలందరూ తప్పనిసరిగా పాఠశాలల్లో చేరేలా చూడటం ప్రభుత్వ ప్రధాన లక్ష్యమని పేర్కొన్నారు. ముఖ్యంగా వలస కుటుంబాలు, ఆర్థికంగా వెనుకబడిన వర్గాల పిల్లలపై ప్రత్యేక దృష్టి పెట్టాలని సూచించారు.
పాఠశాలల్లో ప్రవేశ ప్రక్రియను సులభతరం చేయడం, అవసరమైన పత్రాల సేకరణలో సహకారం అందించడం, తల్లిదండ్రులకు అవగాహన కల్పించడం వంటి అంశాలపై అధికారులు దృష్టి సారించాలని కలెక్టర్ పేర్కొన్నారు. అలాగే మధ్యలో బడి మానేసిన పిల్లలను తిరిగి పాఠశాలల్లో చేర్చేందుకు ప్రత్యేక పునఃప్రవేశ కార్యక్రమాలు చేపట్టాలని ఆదేశించారు.
ప్రతి మండలంలో నమోదైన వివరాలను క్రమం తప్పకుండా సమీక్షిస్తూ, ప్రభుత్వ పాఠశాలల్లో నమోదు శాతం పెంచేందుకు ఉపాధ్యాయులు, అధికారులు సమష్టిగా పనిచేయాలని కలెక్టర్ హేమంత కేశవ్ పాటిల్ పిలుపునిచ్చారు. ఈ సమావేశంలో జిల్లా విద్యాశాఖ అధికారి రమేష్ కుమార్, ఇంటర్మీడియట్ నోడల్ అధికారి వెంకటరమణ తదితరులు పాల్గొన్నారు.: జిల్లాలో బడి బయట పిల్లల గుర్తింపుపై ప్రత్యేక దృష్టి
