నాగర్ కర్నూల్‌లో టీజీఈజేఏసీ ఆధ్వర్యంలో పెన్షన్ విద్రోహ దినోత్సవం నిర్వహించారు. సీపీఎస్ రద్దు చేసి ఓపీఎస్ అమలు చేయాలని, రెండో పీఆర్సీ వెంటనే అమలు చేయాలని, పెండింగ్ డీఏలు విడుదల చేయాలని ఉద్యోగులు ప్రభుత్వాన్ని డిమాండ్ చేశారు.
కాంగ్రెస్ ప్రభుత్వం ఎన్నికల హామీలను పూర్తిస్థాయిలో అమలు చేయాలని బీఆర్ఎస్ యువనేత డాక్టర్ నాగం శశిధర్ రెడ్డి డిమాండ్ చేశారు. ఉద్యోగుల పోరాటాలకు సంపూర్ణ మద్దతు ప్రకటిస్తూ, రైతులతో కలిసి క్యాంపు కార్యాలయాన్ని ముట్టడిస్తామని హెచ్చరించారు.
నాగర్‌కర్నూల్ జిల్లాకు నూతనంగా నియమితులైన అదనపు కలెక్టర్ చెన్నయ్యను జిల్లా టీఎన్జీవో నాయకులు ఘనంగా సన్మానించారు. జిల్లా ప్రజలకు మెరుగైన సేవలు అందించేందుకు ఉద్యోగులు పూర్తి సహకారం అందిస్తామని ఈ సందర్భంగా తెలిపారు.
నాగర్ కర్నూల్ జిల్లా కలెక్టరేట్ (ఐడీఓసి) ముందు అన్ని రకాల బస్సులు ఆగేలా రిక్వెస్ట్ బస్ స్టాప్ ఏర్పాటు చేయాలని టీఎన్జీవో యూనియన్ నేతలు ఆర్టీసీ డిపో మేనేజర్‌కు వినతిపత్రం అందజేశారు.
