సోమవారం ఆసుపత్రి ఆర్‌ఎంఓ డాక్టర్ ఆకుతోట రోహిత్ కుమార్ ఆధ్వర్యంలో గణపతికి ప్రత్యేక పూజలు నిర్వహించారు. ఈ సందర్భంగా ఆసుపత్రికి వైద్య సహాయం, చికిత్స కోసం వచ్చే ప్రతి రోగి ఎలాంటి విఘ్నాలు లేకుండా త్వరగా కోలుకుని ఆరోగ్యంగా ఇంటికి చేరాలని స్వామివారిని ప్రార్థించారు. రోగులకు మెరుగైన వైద్య సేవలు అందించే శక్తి, అంకితభావం వైద్యులు, నర్సింగ్ సిబ్బంది, ఇతర సిబ్బందికి కలగాలని కోరుకున్నారు.
వినాయక చవితి సందర్భంగా నిర్వహించిన పూజల్లో ఆసుపత్రి సిబ్బంది ఉత్సాహంగా పాల్గొన్నారు. రోగుల ఆరోగ్యం కోసం ప్రత్యేకంగా ప్రార్థనలు చేయడం కార్యక్రమానికి మరింత ప్రాధాన్యతను తీసుకొచ్చింది. అనంతరం పూజలో పాల్గొన్న ఆసుపత్రి సిబ్బందితో పాటు రోగి సహాయకులకు తీర్థ ప్రసాదాలను పంపిణీ చేశారు.
ప్రభుత్వ ఆసుపత్రికి వచ్చే ప్రతి ఒక్కరికీ మెరుగైన వైద్య సేవలు అందించడంతో పాటు, వారి ఆరోగ్యం కోసం ప్రార్థించడం అభినందనీయమని పలువురు పేర్కొన్నారు.
ఈ కార్యక్రమంలో హెడ్ నర్స్ పద్మ, నర్సింగ్ అధికారులు, ఇతర వైద్య సిబ్బంది, ఆసుపత్రి సిబ్బంది తదితరులు పాల్గొన్నారు.: నాగర్ కర్నూలు ప్రభుత్వ ఆస్పత్రిలో వైభవంగా గణపతి పూజలు..
